الفريق البرلماني ديال الميزان تكالما..ولد الرشيد واحجيرة طواو مرحلة مضيان وزادو فحصار نزار بركة

كود الرباط//

الصداع لي نوضوه البرلمانيين ديال حزب الاستقلال ضد قرارات اللجنة التنفيذية خصوصا تعديل النظام الأساسي ومنع البرلمانيين من العضوية بالصفة فالمجلس الوطني، بان اليوم سالا.

الفريق البرلماني ديال الميزان اليوم بان منضبط وحضروا اغلبية اعضائه، فالواجهة ديال الفريق الاستقلالي جالس حمدي ولد الرشيد بجانبو عمر احجيرة اللي مكلف برئاسة الفريق مؤقتا.

المساج اللي بغا يدوزو الفريق الاستقلالي اليوم، حسب مصدر برلماني استقلالي هضر مع “كود”، هو أن الفريق مع القيادة الحالية والخلاف لا يفسد للود قضية.

غير القضية لي مبغاش يعترف بها هاد المصدر البرلماني، هو أن البرلمانيين مشاو مع القيادة الحالية مكرهين وعارفين راسهم بلي تقولبو ومغاديش يكونو اعضاء فالمجلس الوطني وبالتالي مغاديش يكون عندهم صوت فتحديد الامين العام المقبل أو حتى تدبير الانتخابات الجايا.




لقراءة الخبر من المصدر

مقالات ذات صلة

زر الذهاب إلى الأعلى