القضاء الاسباني رفض يسلم المغرب روشيرشي مطلوب هادي 13 لعام

كريم الصوفي – كود//
[email protected]

قالت مواقع إسبانية، أن المحكمة الوطنية فمدريد رفضات، مؤخرا، التأشير على اجراءات تسليم روشيرشي كيتزعم ريزو للاتجار فـالبشر للمغرب، بعد ما كشفات التحقيقات عن تورطه ف تهريب بزاف ديال الحراگة الأفارقة بحرا من المغرب ف اتجاه اسبانيا، مقابل 1350 و 1800 يورو. الريزو ديال هاذ المتهم كينشط ف تهريب الحراگة الأفارقة من 2009 وكان كينظم 3 ديال عمليات الهجرة السرية أسبوعيا..

ورفضات الغرفة الجنائية بالمحكمة الوطنية بمدريد، تسليم المعتقل بسبب عدم وجود “وثيقة التقييم”، اللي كان خاص تسلمها السلطات القضائية المغربية وتوضح فيها التناسب بين الاتهامات اللي كتتطلب تسليم شخص ما إليها، وفق المصادر ذاته.

قرار المحكمة الاسبانية جا عكس ملتمس المدعي العام اللي أوصى بتسليم المتابع إلى المغرب، مؤكدا أنه “متابع بتهم جنائية كاين بحالها فالقانون الإسباني، كما أنها لا تدخل في موانع التسليم المنصوص عليها في الاتفاق الخاصة بتسليم المطلوبين الموقع بين الرباط ومدريد”.  هاذ المهرب تشد فشهر غشت الفايت، بمنطقة  بلدة روكيتاس دي مار في ألميرياـ.




لقراءة الخبر من المصدر

مقالات ذات صلة