بالفيديو.. صرخة فاطمة من دوار تمقرة بشيشاوة عبر “كود”: شفت 3 ولادي وراجلي كيموتو وها اللّي كنطلبو

عمـر المزيـن  موفد كود إلى شيشاوة – تصوير: حسني دكالي//

تفاصيل صادمة على ليلة ماشي عادية عاشتها فاطمة من دوار تمقرة المتواجد بالجماعة القروية “أسيف المال” شمال إقليم شيشاوة، بعدما تسبب الزلزال فوفاة راجلها وثلاثة من ولادها.

وكشفت فاطمة، في تصريحات لـ”كود”، أنها مشات تنعس ماعليها مابيها مع ولادها، وراجلها فرشات ليه مع الولد الصغير، لكن سرعان ما تحركات الأرض بسبب الزلزال وبداو الماعن طيحاو فالكوزينة.

داك الساعة بداو تغوت وكتعيط على ولادها، لكن ماتو ليها تحت التراب. تقول فاطمة لـ”كود”، قبل أن يؤكد باللي نسات الوقت معاياش وقع الزلزال.

المتحدثة طالبات من حدا الدار ديالها اللي رابت فين تسكن مع بناتها وبغات اللي يعاونها، ورددت في أكثر من مرة “الله ينصر سيدنا ومولاي الحسن ولالة خديجة”، موضحا في ذات الوقت أن المساعدات وصلاتها لكن الخيم مكاينيش فين تنعس مع باقي سكان الدوار المتضررين.