بوليس هولندا شدو المتهم بقتل ولد عمو فالحسيمة

كود – كازا ///

قالت تقارير إعلامية، أن الشرطة الهولندية شدات، مؤخرا، المدعو (سفيان. ب) بمدينة روتردام، بسباب التورط ديالو ف جريمة قتل ولد عمو بمدينة الحسيمة ف المغرب نهاية يوليوز الفايت.

وأضافت التقارير ذاتها. ان المتهم كيبلغ من العمر 25 عام وقتل ولد عمو ب جنوية بسباب خلاف بيناتهم على اللعاقة وسبق ليه تشد بسباب تهريب المخدرات وكان مطلوب أمنيا. وبعد ارتكابه الجريمة هرب إلى إسبانيا مع والده عبر مليلية، قبل اعتقاله ف هولندا.

وبعد أيام قليلة من عثور البوليس ف الحسيمة على جثة شاب مغربي مقيم ف هولندا واللي تلقى طعنة قاتلة على مستوى القلب ديالو، عرفات مدينة روتردام حادث تفجير مرتبط ب الجريمة اللي وقعات ف الحسيمة.

المنزل اللي تعرض للتفجير 2 مرات، كيسكن فيه والدي المشتبه به في حادث الطعن ف الحسيمة واللي يرجح وجود علاقة قرابة بين الجاني والضحية. وبعد الهجوم تمكن البوليس من اعتقال 2 ديال الأشخاص وحجز سيارة وموادقابلة للاشتعال.