رحم الله بوليسي الشعب بورزة و لا عزاء لمنبوذ الشعب عبد المومني
الشعب المغربي كامل تضامن مع البوليسي هشام بورزة رحمه الله، لي تخطف و تعذب و تذبح و تحرق و تلاح فقادوس هكذا بلا رحمة ولا شفقة.
المسلم و اليهودي و النصراني و غيرهم كيرفضوا جملة تفصيلا القتل بدون دافع شرعي أما إذا كان مقرون بالإرهاب فهذا كلام آخر لأن النفس البشرية عزيزة و عزيزة بزاااف عند المولى عز وجل.
إذن كولشي تضامن مع البوليسي المرحوم إلا واحد السيد سميتو فؤاد عبد المومني. هاد السيد لي يتقول عند راسو حقوقي و سياسي و مدافع عن حقوق الإنسان والحيوان كان رفض رفضا تاما يتضامن مع المرحوم و لو بجملة أو كلمة أو حتى همسة و هو لي موالف يتضامن مع المعتصمين و المغتصبين والمتحرشين و مبيضي الأموال والخارجين عن القانون.
هاد السيد لي هو بورجوازي يساري و مول شركة قروض معروفة، و اللي بيها كايقرض عيالات صحابو لي تيكونو “أمانة” عندو، رفض يجاوب خلال الندوة الصحفية البئيسة اللي دارها عشيرو المعطي مول الجيب فمقر الجمعية اللامغربية لحقوق الإنسان، على واحد السؤال لي مولاه طلب حاجة بسيطة، و هي الرأي ديال عبد المومني فجريمة قتل الشرطي المرحوم.
واش سي عبد المومني كان تيتسنى شي نغيزة أو توجيه من البرلمان الأوروبي؟ولا من فرنسا؟ واش حتى لهاد الدرجة حاقد على البوليس ولاد الشعب؟ واش حتى لهاد الدرجة مريض بساندروم (syndrome) ديال الكليماتيزور لي خلا فضيحتو فضيحة ولي كولشي صحابو شافوه كيف يتضامن وكيف يدافع ويتدافع ف جسد عريان ديال واحد السيدة على ذمة مناضل آخر.
سي عبد المومني طز فيك و طز فالتضامن الموؤود ديالك و طز فهاداك السوق الأسبوعي ديالك لي سميتو الحقيقية هي فرنسا في أسبوع (ماشي المغرب في أسبوع) و لي من شحال هادي نتا و عشيرك بوبكر لفايهمي كتمجدو و تطبلو وتمدحو فلإرهابيين.
أما بوليسي الشعب بورزة الله يرحمو ولادو ولاد لمغاربة كاملين و مراتو بنت و أخت لمغاربة كاملين و والديه والدين لمغاربة كاملين و كيف تيقولو لمغاربة: الله لا يخطي علينا المخزن.
